| Archive |
Publicat dins: One Big Union Bulletin, lo 2 d'agost de 1923.
Traduccion: Anthony K. Walker.
Lei mots lo socialisme e lo comunisme an la meteissa significacion. Indiquan una condicion de la societat dins la quala lei richessas de la comunautat; la terra e lei mejans de produccion, de distribucion e de transportacion son tenguts comunalament, la produccion estent per lo besonh e pas per lo profiech.
Vist que lo socialisme es nòstre but, es natural qu'i a quauquei diferencias d'opinion a regard de la societat de 1'avenidor. Vist qu'existam sota lo capitalisme, es natural que les ideias de plan de monde sus lo subject dau socialisme seran coloradas per son experiencia de la vida vidanta sota lo sistèma d'encuei. Fau pas esser estonat se quauquei que reconeissan que lo sistèma d'encuei es marrit mancan encar 1'imaginacion de veire la possibilitat d'abolir totei leis institucions de la societat capitalista. Es pasmens inutil d'establir un ostau a mitat camin vèrs lo socialisme. Una combinacion dau socialisme ambe lo capitalisme produrriá plan d'injusticias, de dificultats e plan de degalhatge. Leis uns que sofririán sota leis anomalias lucharián de contuni per la restauracion dau sistèma ancian.
Lo socialisme complet valent a dire 1'abolicion completa de 1'argènt, de la crompa e la venda, e dau sistèma dau salariat.
Valent a dire qué la comunautat dèu acomplir la taca de produrre per satisfaire lo besonh uman, e encar mai, e d'organisar la distribucion en
acòrd amb aquete besonh.
Un sistèma, qué que sieche, dins lo quau la crompa e la venda son retengudas exigís l'emplega de seccions vastas de la populacion per lo trabalh non-productif. Aquò laissa lo trabalh productif a un solet nombre de gents pendent que l'autre nombre degalha seis energias dins lo comèrci, la finança, la venda e totei lei desvelopaments comerciaus qu'emplegan d'efech mai que dos tèrç de la populacion d'encuei.
Donat lo sistèma d'argènt, lo sistèma dau salariat es inevitable. Se fau pagar per lei causas de la qualas òm a besonh, fau pagar alor leis uns que fan lo trabalh per lei permetre d'obtenir lei mejans de vida. Inseparablas dau sistèma dau salariat son leis institucions come la pencion vielhesa, l'assegurança per lei malauts e lei chaumaires, la pencion veusa, 1'alocacion e encar mai. Toteis aquesteis exigissan lo laboratge d'un grand nombre de personas dins lo trabalh non-productif. que seriá autrament liberat per ofrir seis energias dins lo trabalh productif. Ansin lo laboratge inutil es produch, e lo nombre de non-productifs, que les productifs son obligats de mantenir, s'augmenta.
Valent a dire encar que lei condicions socialas son conservadas que son luenhs de 1'armonia de la fraternitat comunista. Lo sistèma dau saiariat met en dangier la seguritat dau trabalhador. Lo pagament d'una salaria dona au pagador lo poder de remandar.
Pendent que lo sistèma d'argènt resta, cada entrepressa de produccion es obligat d'esser dirigit en acòrd amb un sistèma de pagament. Per consequent òm emplega lo mens grand nombre de trabalhadors possible, per pagar lo mens dins lei salarias. Tanben, lo trabalhador qu'es mens eficaç sera remandat, e, chaumaire, devendra alòr encar mens eficaç. Ansin una classa non-emplegabla es creada.
L'existencia d'un sistèma de salariat mena inevitablament vèrs lei salarias inegalas; oras suplementarias, primas, salarias per lo trabalh qu'exigissa lei qualificacions specialas. Lo "status" donat simplament per lei diferenias de l'educacion, dau confort, de l'environament.
La crompa e la venda per lo govèrn durbit la porta a la corupcion oficiala. Per reglar aquò, òm es forçat de crear lei plaças ben salariadas afin que lei gènts ansin emplegats an trop a perdre dins la tentacion.