中文马克思主义文库 -> 参考图书·阶级斗争文献 -> 广州共产主义小组刊物《劳动与妇女》（1921年） -> 第二期（1921年2月20日）
今日工人团体应有概责任
鸣谦〔谭平山〕
我地广州嘅工人，素来都系有团体嘅：如而家各行嘅行头，都有一个公所，或者有一个会馆，个的就是叫做工人嘅团体。但系旧时工人嘅团体，都是有名无实，只系每年遇着各行头嘅师傅诞，大家科多少钱，痛饮一餐，就算了事。所以我地广州嘅工人，虽然素来有团体；但系未有结合团体嘅精神，又未有相当嘅组织；所以各行嘅工人，终归不能得到团体嘅利益，反至每年要枉费多几个银钱。
近来广州嘅工人：如机器工人，电气工人，革履工人，旅业工人，茶居工人，理发工人，印刷工人等等都重新结合团体，内容比之旧时嘅团体已经好过，但系我广州工人嘅行好多，现在只系有几行工人肯去改良旧团体，真正可惜。但系其余各工人，因乜缘故不肯去改良旧团体或系不肯重新组织新团体呢？都系各行工人未知到工人团体嘅紧要，及工人团体嘅责任之故，所以我现在将工人团体口责任讲俾各位知。
第一，工人团体，应当负阶级竞争嘅责任。
现在社会上嘅制度，因乜事故至到□样不好呢？因为现在系资本家势力发达嘅时候，社会上所有个的经济，及一般维持人类生活嘅物件，全系由几个大财主佬所独有。于是社会上分开两种阶级：有钱嘅及有田地嘅成为一种有产阶级；其余有产阶级，就被人蹈低，自成一种阶级。但系有产阶级所有嘅钱财及田地，都是由我地无产阶级抢夺而来嘅。比如现在资本家，佢踞有好多资本，又运用佢嘅资本，对于社会上所有一切生产事业，同生产嘅家私器具，都被佢一手包办。佢一方面又将我地工人做工所赚嘅钱，全行抢去，袋入荷包。我地工人虽然点样辛苦，点样勤，而每日仍然揾不到两餐饭来食，揾不到件好衫来着，揾不到一个干净地方来住，重敢讲到拿钱去归，养父母，育妻子！你睇个的财主佬为自己有资本，因此就去放贵利，食贵息，或打本人地做生意，或租田地过人耕种，佢唔只话唔使做工，就有饭食；而且食一定要食好嘅，着一定要着好嘅，住一定要住好嘅；食必山珍海味，穿必绫罗绸缎，住必高楼大厦，几安乐！几排场！唉！财主佬呀！你享福真系享到透咯！但系难为我地嘅工人呀。所以我地工人，应当结合团体，大家一齐合力同心，将财主佬或东家所有嘅田地钱财及机器家私，全取翻来，归我地工人所有；假使唔肯交出，应当大家一齐合力同心，将佢赶扯，或系叫佢跟住我地做工；如若佢唔肯做工，我哋就要唔俾饭佢食，唔俾衣服佢着，唔俾地方佢住。因为现在世界，唔应当有不做工而食饭穿衫嘅人。
第二，工人团体，对于全体工人应负增高地位及人格嘅责任。
个件事系最要紧嘅事，在而家工人尚未能脱离资本家嘅束缚时候，更应要加意留心。关于个件事，工人团体应该注意团体内各人件件要注意：如灌输工人嘅知识，培养工人嘅道德，增益工人嘅技术，件件都系重要嘅，所以工人团体应该担任指导或启发嘅责任。因为工人团体唯一无二嘅责任，系阶级竞争，赶扯资本家。使社会只有一个工人阶级。但系在资本制度未曾打破以前，或系预备同资本家宣战慨时候，应该内力先行充实，然后方有胜算可操呢。
第三，工人团体，对于全体工人嘱生活或境遇应该有代仁改善嘅责任。
我地中国工人嘅生活，大家都已经知到苦得不堪咯，中国工人嘅境遇，大家都知到极之不好略。但系想改良工人嘅生活或境遇，唔系用把口来讲就可以做得到，亦唔系有左会馆公所或系工会，就可以做到，一定要在公馆公所或系工会里头，切切实实办事，方可以做得到。但系应该办乜野事呢？等我公开几件来讲：
甲、关于改良生活嘅，最紧要嘅系教育问题。因为工人多系年长失学、知识自然系缺乏，故每个工人团体里头，至少设立一间或两间劳动学校，来教同行工人嘅普通知识；况且我地工人将来一定要将资本家嘅家私器具翻自己来用。所以对于工人所应当有嘅技术，及工厂管理法等，应预先研究。除教育问题之外，经济问题，就应该要留意。因为工人嘅生活不好，就系受经济所压迫之故；所以改良生活嘅方法，对于资本家，应该要求增加工钱，及要求与东家同分红利。对于工人自己，要节省縻费，预先贮蓄资本，然后工入自己结合团体，去做合作嘅团体，这样，就可以打破经济既压迫。
乙、关于改良境遇嘱事，最要紧嘅有两件：一系病伤老亡嘅救济法，一系同行失业介绍。个的都系改良境遇甚要紧张事，请工人团体注意！
以上我将工人团体应尽既责任，大略讲过，若能照住做去，……定可以推倒资本家咯。更有一层，我以为广州嘅工人，有好多唔会看国语嘅文字，所以我呢篇文章，用广东白话来做，无非想各位工人都可以看得明白。
十.二.十七
广州人读国语文，比文言还难了解。最近及往后的出版物，凡属于社会主义的，必尽用国语文。本篇中所用的广州话，我一一释出国语，使不通广州话的可以对照起看，使只通广州话的可以借此习练国语文。我有朋友张毅汉，他正编着一部《广东话与国语对照》，这部书不久可以刊行，也是广东人文化运动中一种好的工具。
玄庐附记
（我地）（我们） （嘅）（的） （都系）（都是）（个的）（这个） （已经好过）（已经好得不少） （因乜缘故）（因为什么——甚么——缘故） （讲俾各位知）（说给各位知） （□样）（这样——这么样） （财主佬）（财东——资本家） （有）（无） （跴）（踩） （佢）（他）（佢字依用字新例，定作第三声通性代词）（家私）（用具）（赚）（获得） （点样）（怎样——怎么样） （揾）（得） （重敢讲）（还讲什么） （你睇）（你看）（唔使）（不用） （几□）（多少） （咯）（了） （取翻）（取回） （赶扯）（赶走） （有左）（有着） （我呢篇）（我这篇）
上一篇 回目录 下一篇